Brundi oo qiratay in ay Al-Shabaab weerar kaga dileen askar ku suganeyd Balcad

Dowlada Burundi ayaa qiratay in khasaaro kala duwan uu kasoo gaaray weerar Al Shabaab ku qaadeen ciidamadooda oo ku sugnaa Duleedka degmada Balcad ee gobolka Shabeelaha Dhaxe.

Afhayeenka Ciidamada Burundi ee ka tirsan AMISOM Floribert Biyereke ayaa sheegay in lix askari oo katirsan ciidankooda lagu dilay weerarka ka dhacay Degmada Balcad sidoo kale lagu dhaawacay sadex askari oo kale.

Waxa uu sidoo kale afhayeenka ciidamada Burundi sheegay in labo kamid ah ciidankooda la layahay, waxa uuna xusay in ciidankooda la weeraray xili ay geedo ka jarayeen laamiga u dhaxeeya Jowhar iyo Balcad.

Al Shabaab ayaa sheegtay in ay weerareen ciidamo katirsan AMISOM gaar ahaan kuwa ka socda Burundi xili ay ku sugnaayeen duleedka Balcad, waxa ayna Al Shababa sheegeen in weerarkaasi ku dileen ilaa 10-askari oo katirsan AMISOM.

Xafiiska Shabakadda Soomaaliweyn
Muqdisho, Somalia
[email protected]

Facebook Comments