Farmaajo iyo Geelle oo si wadajir ah u furay safaarada Djibouti ee Muqdisho +Sawirro

Madaxweynaha Jamhuuriyadda Federaalka Soomaaliya Maxamed Cabdullaahi Farmaajo iyo Madaxweynaha Djabuuti Ismaaciil Cumar Geelle, ayaa maanta si Wadajir ah u furay safaaradda Dawlada Jabuuti ee Muqdisho.

Munaasabad kooban oo lagu qabtay Xarunta Safaarada oo ku taalla degmada Cabdul Casiis ayaa waxaa ka qeyb galay Madaxweynayaasha labada dal, Guddoomiyaha Aqalka Sare, Guddoomiyaha Gobolka Banaadir, Xildhibaano iyo Wasiiro ka tirsan Dowladda iyo sidoo kale Madaxweynihii hore ee Soomaaliya Xasan Sheekh Maxamuud.

Xasan Aadan Samatar, Axmed Cali Cigaal iyo Cawaale Aadan Daahiye ayaa goobta ka qaadayay Heeso Wadaniyad ku dheehan tahay, waxaana aad loo adkeeyay amaanka magaalada Muqdisho.

Madaxweynaha Jabuuti oo munaasabadda hadal ka jeediyay ayaa shaaciyay ahmiyadda ay leedahay inay dib u furtaan Safaaradda Jabuuti ee dalka Soomaaliya.

Sidoo kale Madaxweyne Farmaajo ayaa u mahadceliyay dowladda Jabuuti Taageerada ay siiso shacabka Soomaaliyeed.

Hoos ka daawo sawirada Xaflada

Xafiiska Shabakadda Soomaaliweyn
Muqdisho, Somalia
info@soomaaliweyn.net

Facebook Comments