Xog: Nin ajnabi ah oo loo magacaabayo gudoomiyaha Bankiga Dhexe ee Somalia

Dowladda Soomaaliya ayaa lagu wadaa inay nin ajnabi ah u magacowdo inuu noqdo guddoomiyaha bankiga dhexe ee Soomaaliya, SW ayaa sidaas ogaatay.

Waxay noqon doontaa markii ugu horreysay taariikhda Soomaaliya oo qof ajnabi ah uu xilka qabto.

Jagadan ayaa waxaa bishii August ee sanaddii 2018, si caalami ah loogu xayeysiiyey wargeyska caalamiga ah ee arrimaha dhaqaalaha ee The Economist. Shuruudaha lagu qoray wargeyska ka mid ahayn in qofka qabanaya xilkan uu noqdo Soomaali.

Ilo-wareedyo lagu kalsoon yahay ayaa SW u sheegay in toddobaadkan ay mas’uuliyiinta dowladda ay isku raaceen qofkii xilkan loo dhiibi lahaa, laguna dhawaaqo doono dhowaan.

Xog ay heshay SW ayaa sidoo kale sheegeysa in baarlamanka Soomaaliya la horgeen doono sharci wax looga beddelayo xeerka Bankiga Dhexe, oo dhigaya in shuruudda koowaad ee laga doonayo qofka xilka guddoomiyaha bankiga dhexe qabanaya uu yahay muwaadin Soomaaliyeed.

Wararka qaar ayaa sheegaya in xilkan loo magacaabi doono nin lagu magacaabo Nigel Roberts oo u dhashay dalka Britain muddo badanna kasoo shaqeeyey Bankiga Adduunka, inkasta oo aan si rasmi ah loo xaqiijin.

Xafiiska Shabakadda Soomaaliweyn
Muqdisho, Somalia
info@soomaaliweyn.net

Facebook Comments